Nuwun sagunging kinurmatan
katur dumateng poro alim ulama’ ingkang rinten dalu
tansah sumandingkitab suci wahyuning Ilahi, minongko panuntun kiblating
panembah ingkang satuhu luhuring budi.-
Khususipun dumateng Romo yai
Hadi Muhammad Mahfudz ingkang tansah kito tenggo-tenggomenggah
punopo ingkang dados atur fatwa utawi mauidzoh ipun.-
Dumateng poro pepunden, poro sesepuh pinisepuh
ingkang hanggung mastuti , dumateng peroyaningkautaman ingkang pantes pumundi.-
Dumateng poro pangambaning projo, satrianing nagari minongko
dados pandam pandoming porokawulo dasih ingkang kinasih.-
Dumateng poro rawuh ingkang sinubo ing suko basuki
Minangkani purwakaning atur,
Sumonggo tansah kulo
Derek aken ngaturaken pujo-pujisyukur wonten ngerso dalem
Alloh SWT ingkang moho kuoso ,kerono sih wiloso
mewah barokah ingkang rumentah dateng panjenengan sedoyo dalasan
kulo, katitik ing kalodangan meniko kito sedoyo saged
makempal, manunggal, saperlu nderek-nderek mangestreni wontenipun acoro walimatul urs’wonten ing
titi kalodangan meniko kanti widodo rahayu kalis nir sambikolo
mboten mange alangan punopo.
Rahayuning widodo
soho tambahing rubo
keselametan mugiyo tansah katur kunjuk wonten junjungan
kito , Nabi Muhammad SAW . Panjenenganipun
salah setunggaling prio agung, mustikaning bawono
ingkang dados cundakaning Gusti ingkang akaryo luko kangge
amilujengaken poro jalmo ,awitsaking marco podo atumuju syurgo
luko,soho salah setunggaling Nabi ingkang mbeto agami ingkang hak,ingkang leres
soho ingkang paring syafaat dumateng umat ipun
mbenjang ing dinten Qiyamat.Ing pangestu soho pandongo ,mugi-mugi kito sedoyo tansah katetapan dados umat ipun soho pikantuk syafa’at
saking beliau. Amiin.
Poro rawuh,
Keparingo kulo matur soho ngempil kamardikan
panjenengan rikalonipun sawegsakeco kimawon pangandikan, bilih ing mriki kulo
kumowaton ngadek nganyer jumantoko wontenngerso
panjenengan sedoyo,mboten ateges ngilangi toto trapsilo,ananging kulo ing
ngriki ingkang nampi ayahan sunaroyo dening rekan-rekan kinendereaken
menggah runtuting adicoro ingkang lumampahwonten saat puniko.
Mboten namung pambagyo sugeng rawuh atas rawuh panjenengan sedoyo,
soho hanyekecaaken lenggahipun kalayan nenggo titi adicoro kawiwitan.
Sak dereng ipun adicoro kalampah,langkung prayuginipun
kulo waos aken rantaman adicoro ingkang bade lumampah wonten kalodangan meniko.
1Pembukaan
2.Penyampaian materi ngajatne islami
3.Praktek ngajatne islami
( sesuai dengan tugas)
4.Pengumuman
pengurus madrasah Al Hikmah melathen
5. DOA
Mekaten kolowahu menggah reraciing adicoro ingkang bade
lumampah wonten ing dalu meniko.
Pramilo sumonggo acoro ingkang ongko setunggal
kito bikak sesarengan kanti washilah suratAl Fatihah
mugi-mugi acoro-acoro ingkang badhe kito lampahi mangke mboten wonten
setunggalipun alangan punopo-punopo. Amin 3x Yarobbal ‘alamin.
. ...